17 en 18 november viert CV De Beringse Kuus eur 5×11 jaorig jubileum. Naeve un prachtig programma mèt onger angere Bjorn Smits (Limburgs buuttekampioen), Marleen Rutten en Carnavalsband.nl introduceert De CV De Beringse Kuus un uniek neij Limburgs shotje, genaamd 3xALAAF.
Dit vastelaovesdrenkske is un ludiek setje van 3 shotjes in de kleure roëd (kuuzeblood), gael (licor 5×11) en greun (Beringse soers). Mèr det is nog neet alles. De 3 shotjes zien te kaup vûr mèr 2 penninge en doe drinks 3xALAAF mèt zien 3-en. Beij de shotjes zit un klein kaertje wat pas ope gemakt moog waere as de shotjes verdeild zien. Want dao in kinse laeze weem ‘de sjaak’ is en de shotjes mot betale.
Drink 3xALAAF mèt dien vastelaovesvriende en laot dich verrasse weem betald… gegarandeerd 111% vastelaovesplezeer! Speciaal gemakt vûr ut 5×11 jubileum in Beringe, mer beij veul vraog missjien wel in 2019 te kriege in gans Limburg!
Vastelaovend viere, haoj det in iëre!